BUTUAN CITY – Gipamugos sa Malakanyang nga walay himoon si Pangulong Ferdinand Marcos Jr. mahinayon man o dili ang impeachment trial kang Vice Pres. Sara Duterte.
Reaksyon kini sa Palasyo sa akusasyon sa kampo ni Duterte nga gituyo sa administrasyon nga ma-impeach ang bise presidente para dili makadagan sa 2028 presidential elections.
Sigon ni Presidential Communications Office USec ug Palace Press Officer Atty Claire Castro nga sa pagsugod pa lang tataw na ang pamahayag ni Pang. Ferdinand Marcos Jr. nga kontra sya sa impeachment.
Nahitabo matud pa ang pag-impeach sa Kamara kang VP Sara tungod sa separation of powers. Sigon ni Castro, bisan unsa pa ang paglantaw niini sa mga Duterte opinyon na nila kini.
Dugang pa sa opisyal, gustong mobalik sa gahum ang mga Duterte rasong gidaot si Pangulong Marcos ug iyang administrasyon.
