BUTUAN CITY – Nahatag na sa House Quad Committee pagpanguna ni Surigao del Norte Rep. Robert Ace Barbers ngadto sa Office of the Solicitor General kon SolGen kaganinang buntag ang mga dokumento kalabot sa mga kasong gilambigitan sa mga Chinese nationals nga posibleng muresulta sa mga legal nga aksiyon kon pagbawi sa gobyerno sa ilang mga yuta.
Sigon sa kongresista, supak sa balaud nga ang usa ka langyaw, manag-iya og siento-porsiento sa kayutaan sa Pilipinas. Ang maong mga dokumento, resulta sa padayong pagdungog sa Quad Committee kalabot sa pag-acquire sa mga Chinese nationals nga nagpaka-aron ingnong mga Filipino, ug nakapalit og libu-ang ektaryang yuta sa Pampanga.
Sigon ni Barbers, tumong sa ilang lakang nga dili muresulta sa wala ang maong isyu ilabina nga posibleng mabaligya kini. Giklaro ni Barbers sa pagdungog sa House Quad Committee, wala’y sagol nga pulitika tungod kay trabaho lang ang ilang gihimo.
Nasayrang dakong kayutaan ang napalit sa mga Chinese ug natumbok nga 100% pa ang ilang ownership. Samtang gibutyag usab ni Rep. Stephen “Caraps” Paduano nga ang tulo ka mga Chinese nga nanag-iya og dakong kayutaan sa Pampanga mao sila Eddie tayang, Tony Yang ug Willy Ong kinsa tag-iya usab og mga dagkong korporasyon.
Sa panig usab sa SolGen, ilang gisiguro nga ilang susihon ug tun-an og maayo ang mga dokumentong gihatag sa House Quad Committee aron mapasakaan na og kaso ang mga nalambigit.
