BUTUAN CITY – Giklaro ni Raymond Mosquito – coach sa Carascian Debate Varsity, ang debating team gikan sa Caraga Regional Science High School sa Surigao City nga mga bag-ong batch sa nga debaters ang ilang gipadala sa Chengdu. China.
Kini subay na sa ilang gi-apilang Asia Debate Open (Chengdu) Championship 2019 nga gipahigayon sa Holiday Inn Express Chengdu West Gate Hotel, sa China kondiin pasok sila sa mga semia finalists.
Sa eksklusibong pakighinabi sa Bombo Radyo Butuan, gibutyag sa nasangpit nga magtutudlo nga kini ang hinungdan nga medyo nag-adjust pa ang mga debaters ilabina nga unang pag-apil pa lang nila kini sa international debate human gi-imbitar sa Chengdu, China.
Naka-apil matud pa sila sa maong invitational tournament tungod sa pag-imbitar sa mga debaters sa Chengdu ngadto kanila.
Dihang gitugutan sila sa Department of Education kon DepEd, subsob nga preparasyon gilayon ang ilang gihimo sulod sa duha ka mga buwan.
Bisan og ikapito lang sila sa finals apan garbo gihapon ang mga debaters ug ilang debating team sa ilang nakab-ot karon.
Gidugang ni Mosquito nga gawas sa imbitasyon sa China, nangimbitar na usab kanila ang mga debaters sa Japan ug Vietnam alang sa lain na usab nga international debating tournament nga himuon karong tuiga og sunod tuig.
Alayon niini, hugot ang iyang pagpasalamat sa tanang misuporta kanila aron lang maka-contribute og kalampusan ngadto sa sosyudad.
Gi-awhag usab niini ang kabatan-unan nga magtuon sa mamahimo nilang ma-abag ngadto sa palibot og sa katilingban sa ingon mapasigarbo sila sa ilang makab-ot.
Mahinumdumang girepresentahan ang debating team nila Julianne Rae Lagaac kinsa maoy Prime Minister ug Czaree Cassidy Pospia isip Deputy Prime Minister uban nila Cherry Yap ug Reymond Mosquito isip mga adjudicators.
Ang UP Diliman maoy nagrepresentar sa Pilipinas alang sa Open College ug ang Caraga Regional Science High School kon CRSHS usab alang sa High School Category. Duna’y 13 ka mga nasud nga misalmot sa maong debate kondiin apil na niini ang Indonesia, China, Singapore, Malaysia, Hongkong, Scotland, Japan, USA, South Africa, Pilipinas ug uban pa..
