BUTUAN CITY – Grabe ang kalipay ug pagmaya sa mga Caraganons ilabina sa mga Butuanons human gi-ila isip Most Valuable Player kon MVP player sa University Athletic Association of the Philippines kon UAAP Season 87 men’s basketball kagabii ang Butuanon cager nga si JD Cagulangan.
Kini human naghari ang University of the Philippines kon UP Fighting Maroons sa ilang best-of-three finals kagabii sa Smart Araneta Coliseum dihang giparot ang De La Salle University Green Archers atubangan sa 25-mil nga audience sa iskor nga 66-62.
Unang gilubong sa UP ang De La Salle og 14-point lead sa iskor nga 54-40 sa tunga-tungang bahin sa third quarter adiser mitira si CJ Austria og tres, kansa ningbira sa tsansa sa La Salle nga dikitan ang UP sa iskor nga 56-50.
Anaa na unta sa dalan sa kadaugan ang La Salle human gi-ablihan niini ang final frame sa 6-0 run aron ma-tie ang dula apan wala magsilbi ang maong pagpaningkamot kang one-and-done big man sa UP nga sila si Quentin Millora-Brown kansa mitunol og 14 puntos, ug 10 ka mga rebounds samtang si Francis Lopez, duna’y 12 puntos ug 11 ka mga rebounds.
Ang garbo sa Butuan, mikamada og 12 puntos.
