BUTUAN CITY – Nagpadayon pa ang in-house training sa mga atleta sa Caraga Region nga mosalmot sa Palarong Pambansa sunod buwan sa Cebu CIty.
Sumala ni Dr. Israel Reveche, ang tigpamaba sa Department of Education-Butuan City Division, karong Hunyo 30 na manglaraga ang mga atleta alang sa ilang partisipasyon sa Palarong Pambansa.
Gipasabot sa maong opisyal nga dili tanang mga events nga nadag-an sa mga atleta sa ilang dibisyon ang gibansay tungod kay duna may ubang kahimanang ilaang gamiton ang anaa lamang sa ubang dibisyon sa Caraga rason nga bulag ang mga trainings.
Dugang niini, magtapok usab ang tanang mga atleta sa lungsod sa Patin-ay gikan karong Hunyo 18 ngadto sa 30 alang sa ilang fine-tuning. Alayon niini, naglaom ang maong opisyal nga mo show-up usab ang Caraga Region, partikular na ang dakbayan sa Butuan sa maong padula.
