BUTUAN CITY – Kampante ang katawhan sa Canada nga masakmit na sa Toronto Raptors ang titulo sa NBA 2019 sa ilang Game 6 karung adlawa batuk sa Golden State Warriors.
Nasayrang lamang sa serye ang raptors 3-2 apan sa panimalay sa Warriors himoon ang Game 6.
Sigon ni Alan Basa, Butuanon nga atua na karun sa Canada, nagtoo ang mga Canadians nga kayang pildihon sa raptors ang warriors sa Game 6 human napamatud-an na nila kini sa tulo ka mga dula.
Kini ilabina kay wala gihapon ang is aka superstar sa Warriors nga si Kevin Durant human nakahiagum ug injury sa unang bahin sa game 5.
Gihulagway usab ni Basa ang ka-supportive sa mga Canadians sa ilang koponan diin ang mga magtutungha og magtutudlo, gidasig nga magsoot ug pula o kaha magsoot ug jersey nga raptors.
Dunay mga fans usab nga duh aka adlaw nang nag-camping sa Jurassic aron lang moapil sa tapok ug maka-cheer sa ilang koponan.
Samtang dunay mga mahalong mga hotel ug comduminum nga naghanyag ug libre lakip na pagkaon ngadto sa mga players sa Raptors nga mopuyo.
Kinahanglan matud pang dili na pa-abton pa sa Game 7 ang serye tungod kay bisan ug adtu kini himoon sa Raptors nga kurto, apan mas lamang na ang Warriors niini tungod sa ilang kasinatian pag-abot sa championship match sa NBA.
