BUTUAN CITY – Mosalmot na ang ubang mga executive Secretaries sa Senate Hearing mahitungod sa pagsikop kang kanhi Presidente Rodrigo Duterte, kini ang gipahayag sa Palasyo Malacañang kagahapong adlawa.
Apan giklaro usab niini nga subli matud pa nilang i-invoke ang ilahang executive privilege kung mo tandog na ang mga Senador sa mga sensitibong pangutana.
Sumala sa pamahayag ni Presidential Communications Undersecretary Claire Castro kagahapong adlawa nga dun ana matud pay listahan sa mga mangapil sa sunod nga hearing ang executive secretaries.
Lakip sa maong listahan sila si Justice Secretary Jesus Crispin Remulla, Prosecutor General Richard Anthony Fadullon, Chief State Counsel Dennis Arvin Chan, Foreign Affairs Secretary Enrique Manalo, Philippine Center on Transnational Crime executive director Anthony Alcantara ug Philippine National Police chief Gen. Rommel Marbil.
Subay niiini mamahimo usab matud pa ng makatambong sila si Criminal Investigation and Detection Group chief Brig. Gen. Nicolas Torre III, Migrant Workers Secretary Hans Cacdac, Special Envoy on Transnational Crimes Markus Lacanilao ug Securities and Exchange Commission lawyers RJ Bernal and Ferdinand Santiago.
Sumala ni Castro nga girespeto matud pa sa Malacañang ang hangyo ni Senate President Chiz Escudero nga patungahon sa maong hearing ang mga executive secretaries.
Una nang gikabutyag ni Senador Chiz nga ningtabang matud pa siya sa pakig kumunikar sa office of the Executive Secretary arun ipaapil ang mga gabinete sa nasnagpit nga hearing.
Gikumpermar usab sa Senador nga karong nang petsa 10 sa Abril ang mosunod nga pagdungog.
