BUTUAN CITY-Epektibo sugod karung adlawa, ang bag-ong gipagawas nga E.O No. 21-032 nga pabiling nag-require gihapon sa mga byahero nga musulod sa probinsya sa Surigao del Norte ang pagsunod sa mandatory travel protocols ug requirement sa sea ports ug ubang points of entry.
Nakalatid sa maong EO nga ang tanang residente sa maong probinsya ingun man Government APOR’s kinahanglan nga musunod ang mga niini sa tanang protocols ug requirements nga gi isyu pinaagi sa component city o municipality sa destinasyon sulod sa nasangpit nga probinsya.
Alang usab naidtong dili residente sa Surigao del Norte, Private APOR, mga turista nga dili imbitado sa local nga residente kon walk-in tourist, kinahanglan nga magpresenta og negatibong resulta sa RT-PCR test o swab test nga gikuha sulod sa 48 ka oras, Valid ID, confirmed booking of accomodations nga dili muobos sa 2 ka gabii gikan sa resort o hotel nga accredited sa Department of Tourism.
Samtang niadtong mga indibidwals nga gikan sa probinsya sa Dinagat Island lakip na ang muagi lang, kinahanglan nga mupakita usab og negatibong resulta sa swab test o kaha RT-PCR test nga balido sulod sa 48 ka oras.
Apan ang si bisan kinsa nga dili makasunod sa maong balaod mamahimong subject alang sa endorsement ngadto sa Provincial Inter Agency Task Force kon PIATF alang sa tukmang disposisyon nga dunay kalabutan sa wala pagsunod sa balaod ingun man rules & regulations.
