BUTUAN CITY – Sa atong nasayran, ang mga buyog ka-uban sa pamilya sa mga insekto ilabina nga mulupad sila ug wala’y kala-inan sa ubang mga insekto sama sa lamok ug langaw.
Apan didto sa California, nagdesisyon ang appeals court nga ilhon nang isda ang mga buyog ilawom sa endangered species law sa maong estado kansa gila-umang mu-ani og mga debate tungod sa pinasahing epekto unya niini.
Nagsugod kini nga niadtong 2019, dihang gi-classify sa California Fish and Game Commission ang mga bumblebees isip endangered ug dihang milampos usab ang agricultural groups sa ilang apela ngadto sa Sacramento County Superior Court pagkasunod tuig, nga tangtangon na sa listahan sa mga insekto ang mga buyog.
Sigon sa grupo, dili malista ang mga buyog isip endangered ilawom sa umbrella sa mga invertebrates, tungod kay ang endangered species law sa California gikan niadtong 1970s, nag-define man sa mga invertebrates kon kadtong mga mananap nga wala’y backbones isip “fish” kon isda.
Karon, gibali na sa 3rd district California Court of Appeals sa Sacramento ang naha-unang desisyon ug gibalik ang mga buyog sa endangered list sa maong estado.
Sigon sa korte, karong ang ubang mga non-aquatic invertebrates sama sa mga suso kon snails, ila na usab nga gilista isip endangered ilawom sa kategoriya sa isda, wala’y rason nga dili usab nila kini himuon sa mga buyog tungod kay wala man usab sila’y backbone.
Ang maong desisyon gikalipay sa Xerces Society for Invertebrate Conservation.
Rason kung mu-adto naka sa California,ayaw kalimti nga ang mga buyog sa ila, dili namga insekto kondili….ISDA na!!!!
