BUTUAN CITY – Parehong gustong magtudllo una sa ilang alma matter ang top notcher og number 5 sa October 2017 Geodetic Engineering Licensure Examination nga sila Jonel Vernante og Art Cauba Jr. sa Caraga State University (CSU) ning siyudad sa Butuan.
Sigon sa top notcher nga si Vernante nga taga Dinagat Island og iskolar sa DOST og cum laude graduate usab sa CSU-Butuan City main campus, gusto niyang suklian una ang mga kaayuhang nahatag sa ilang alma matter kaniya pinaagi sa pagtudlo isip pasalamat sa mga tawong nahimong instrumento aron makab-ot niya ang iyang damgong makapasar lang unta sa maong eksaminasyon.
Dugang pa ni Vernante, human ang eksaminasyon, gila-uman matud pa niyang ma-apil sa top 10 apan gikakurat niya ang pag-top nga regalo matud pa sa Ginoo kaniya.
Samtang gipadayag usab sa number 5 nga si Art Cauba Jr. nga taga-Buenavista, Agusan Del Norte og iskolar sa ilang munisipyo nga plano usab niyang magtudlo una sa ilang alma matter sa CSU aron makatabang sa mga musunod sa ilang batch nga mag-take usab sa maong eksaminasyon.
Dugang pa ni Cauba nga human ang eksam, iya nang natimahuan nga makapasar siya apan wala niya damha nga ma-apil sa top 10.
Inspirasyon matud pa niya ang iyang pamilya kondiin mangingisda ang iyang amahan og nagtinda usab sa merkado ang iyang inahan. (Beth Ruiz)
