BUTUAN CITY – Tumang panagang ang gihimo sa mga sakop sa Modesto Fire Department sa California human nga dihang natapos na nila pagpalong ang vegetation fire sa Stanislaus County, ila na usab nga naka-agbat lang secondary hazard, dihang libuang mga buyog ang milikay sa kalayo ug didto nagtapok sa fire truck.
Sa social media post sa departamento, nasuta nga ang mga crews gikan sa Oakdale and Knights Ferry, miresponde uban sa mga bombero sa Modesto aron palungon ang kalayo nga milamoy sa gulayan kilid sa Sonora Road. Dili lang kalayo gikan sa gulayan ang gikumbatihan pagpalong sa mga bombero kondili apil na ang mga buyog nga nanggawas sa mga kahon nga mas nakahasol sa ilang operasyon.
Bisan pa man sa pagsamok-samok sa mga buyog nga midugok sa ilang fire truck, malampuson nilang napalong ang kalayo sulod lang sa 15-minutos. Duna’y mga bombero nga naki-itan sa mga buyog apan wala’y gikatahong major injuries tungod kay gigamitan man nila og tubig ang mga insekto aron makumbinsi silang mupalayo sa ilang trak.
