BUTUAN CITY – Padayon pa ang gihimong imbestigasyon og assessment sa mga sakop sa Bureau of Fire Protection kon BFP-Butuan aron masayran ang gigikanan sa kalayo nga mi-abo sa gibana-banang 12 ka mga block tiendas sa may Capitol Compound ning siyudad sa Butuan kaganinang buntag.
Sigon ni SFO4 Rodrigo Canton, ila usab nga gipakisayran ang kinatibuk-ang damyos sa sunog ilabina nga kadaghanan sa mga nag-occupy niini mga Muslim nga nagnegosyo sama sa karenderya, videokehan, ukay-ukayan og uban pa nga parehong gama sa mga light materials.
Sigon usab sa usa sa mga nasunugan nga si Jennifer Gumapas, gibana-banang mu-abot sa 200-mil pesos ang damyos sa oyang karenderya hinungdan nga gibana-bana niyang mu-abot usab sa milyunes pesos ang damyos sa kinatibuk-ang mga block tiendas. (Beth Ruiz)
