BUTUAN CITY – Gikumpirma ni Surigao del Norte Governor Lyndon Barbers nga plano karon sa kadumalahan sa mining company nga Greenstone Resources Corporation nga hatagan og balay ang mga residenteng anaa sa ilang mining site sa Brgy. Siana, lungsod sa Mainit isip mga benepisyaryo sa ilang housing program.
Sa usa ka press conference, gipadayag sa gobernador nga obligasyon sa maong mining company ang paghatag og desenteng balay nga kapuy-an sa mga biktima sa mudslide tungod kay anaa man sulod sa ilang site natukod ang 25 ka mga balay nga natabunan sa midahiling lapok.
Dugang pa ni Governor Barbers, mas maayong didto na I-relocate ang mga apektadong residente sa mga dili landslide o kaha flood-prone areas sa ingon masiguro ang ilang kaluwasan. (Via Bombo Lilibeth Ruiz)
