-- ADVERTISEMENT --
BUTUAN CITY – Gikabalaka na sa grupong Save the Children ang taho nga anaa na sa 21,000 ka mga bata ang nangawala karon sa Gaza sukad nga nag sugod ang gyera sa maong dapit.
Sumala sa maong non-government organization nga mamahimong anaa na sa kapin 4,000 ka bata ang posibleng natabunan sa mga nangahugnong dakbalay agi sa gyera.
Samtang, anaa na usab sa 17,000 ang gituohang nabulag sa ilahang mga pamilya.
Kadumdumang unang gikataho sa United Nations nga dili na luwas alang sa mga bata ang Gaza tungod sa grabing kagubot sa naasuy nga lugar.
