BUTUAN CITY – Nag-isyu na si Butuan City Mayor Ronnie Vicente Lagnada ug Executive Order No. 22 isip dugang guidelines sa gi-implementar nga Localized Community Quarantine nga epektibo kaganinang alas 12:01 sa tungang gabii, Abril 1, 2020.
Lakip sa mga provision sa maong Executive Order mao ang padayon nga pag-implementar sa home quarantine, temporaryo nga pagpasira sa mga hotels, lodging houses, malls ug department Stores, internet shops ug gambling facilities; recreation ug entertainment facilities; ports facilities; wellness establishments ug uban pa nga establisemento nga tapokanan sa katawhan.
Samtang padayon nga itugot ang pag operate 24 hours sa mga ospital, medical clinics, dentals clinics, pharmacies; logistic service providers, mga establisemento o factory nga nag proseso ug pagkaon ug medisina; mga establisemento nga mga baligya ug basic necessities ug mga media outlets.
Tugutan usab ang pag- operate taman sa alas-7:00 sa gabii sa mga mercado publiko; supermarkets, bakeshops, food shops; sari-sari stores; restaurants, cafes, food chains apan take-out lang; mga ambulant non-food vendors ug mga financial services.
Kontrolon usab sa EO ang hoarding ug panic buying; idili na ang mga inuman ma-publiko man o pribado nga lugar; i-regulate na usab ang mass public transport kondiin mag-implrmentar ug odd-even scheme sa pampublikong sakyanan.
Ang tricycle kinahanglang duna lama’y 2 ka pasahero, tulo sa taxi, 5 sa UV Express samtang katunga sa regular nga kapasidad sa de-pasayruang dyip ang itugot ug susama usab sa OFG.
Samtang sa bus kinahanglang dili molapas sa 25 ka pasaheroa ug ang mga single motor – walay back ride, ang trisikad – usa ka pasahero lamang. Diha usab sa pagpatuman sa CURFEW HOURS, magsugod kini sa alas 9 sa gabii hangtud sa alas-4:00 sa kaadlawon.
Did-an na usab ang pagsulod sa dakbayan sa Butuan sa bisan kinsa kung wala na-apil sa exempted sa maong EO samtang gidili usab ang pagsulod sa taga-laing lugar aron lamang pagpamalit ug mga goods.
Ang tanang musupak sa maong Executive Order mag-atubang sa silot nga penalty ug pagka priso ilalom sa Section 15 samtang sa mga establisemento nga mo supak, mag atubang sa suspension ngadto sa revocation sa ilang business permit. Sa mga enforcers nga mo supak niining maong Executive Order pasakaan ug kasong administratibo.
Gelayon usab nga nagpahigayon ug press briefing sa may City Hall mahitungod sa maong executive order kagabii pagpanguna ni city administrator Rey Desiata.
