BUTUAN CITY – Mukabat sa 38 babayeng Agrarian Reform Beneficiaries kon ARBs ang mipa-ilalom sa skills training sa handicraft weaving gamit ang mga oil palm strips isip raw materials.
Tumong niini nga makabaton og dugang income ngadto sa ilang pamilya human misamot ang nasinatiang kalisod tungod sa impact sa global pandemic.
Tungod kay demand ning panahuna ang mga flower pots kon “kaang”, mihimo ang maong mga babaye og kaugalingon nilang masterpiece gikan sa mga strips.
Sigon ni Agusan del Sur PARPO II Jamil Amatonding Jr., ilang nakita ang oportunidad sa pag-venture diha sa paghimo og kaang ilabina nga kadaghanan sa kababayen-an, giganahan na sa flower gardening taliwa nga dili pa luwas ang paggawas sa balay gawas nga available kanunay ang gamiton niining mga raw materials.
Gituyo kini tungod kay gawas nga enjoy pa kining himuon, sigurado pa ang makuha nilang ginansya.
