-- ADVERTISEMENT --
BUTUAN CITY – Milagrong wala ma-angol ang tulo ka mga elementary swimmers sa Surigao City human nalimbuwad ang gisakyan nilang Toyota Fortuner kagahapon sa alas-3:34 sa hapon sa may Los Angeles, ning dakbayan sa Butuan.
Saysay sa drayber sa maong sakyanan nga si Michael Potulin, pauli na unta sila sa Surigao City gikan sa Brgy. Patin-ay, lungsod sa Prosperidad, Agusan del Sur dihang mi-overtake sa gisundan niining sakyanan ang gikasugat nilang armored.
Sumala sa drayber, dali niyang nakabig ang manubila pa-tuo rason nga igo rang napingsan ug nalimbuwad ang ilang sakyanan ug wala mideretso sa kabangga nilang armored car.
Bugtong na-angol sa maong hitabo ang duha ka mga chaperones sa tulo ka mga atletang nag-edad og 9 ug 10 anyos.
