BUTUAN CITY – Prayoridad karon ni Pangulong Rodrigo Duterte ang paghatag ug kaayuhan ngadto sa matag pamilya sa mga sundalong musabak sa giyera.
Kini ang usa sa mga gipasalig sa pangulo atol sa iyang pagduaw sa Advanced Command Post sa 4th Infantry Division, PA sa may Brgy. Bancasi, ning syudad kagabie.
Sigon niini, nga nakasayod matud pa siya sa mga kabalaka sa mga sundalong mapadala ngadto sa giyera kangsa mao lamang ang ilang pamilya.
Maoy hinungdan nga prayoridad matud pa sa iyang mga programa ang pagseguro nga anaa kanunay sa maayong kahimtang ang pamilya sa matag sundalo.
Gani, plano matud pa niini nga tudloan sa pagnegosyo ang asawa sa matag sundalo aron makat-on ang mga niini unsaon pagnegosyo ug magamit sa insakto ang kinitaan sa ilang banang sundalo.
Pinaagi matud pa sa buhatan sa Department of Trade and Industry ( DTI ), pasalmuton ug mga seminar ang mga niini aron nga matudloan mahitungod sa mga pamaagi pagbaton ug mga small scale businesses.
