BUTUAN CITY – Mihakot og medalyang bulawan ang mga arnis athletes sa Ampayon Central Elementary School sa Brgy. Ampayon ning siyudad sa Butuan nga dakong abag sa 13 na ka mga bulawang medalya nga nakuha sa Team CaraGold.
Sigon ni Department of Education kon DepEd-Caraga spokesperson Pedro Tecson, ang walo ka mga medalyang bulawan, nahakot sa elementary ug secondary levels kondiin ang unang medalya, nakuha ni Queen Fairy Rose Rante sa arnis event individual likha anyo individual double weapon – elementary girls nga gisundan ni Arielle Ashley Lape sa susamang event apan diha na sa kategoriyang individual likha espada y daga – elementary level.
Ang ikatulong medalyang bulawan, nakuha gihapon sa arnis event sa likha anyo team synchronized single weapon category-elementary level nga parehong nakuha sa duha ka magdudula nga nadugangan ni Angela Mejias kinsa parehong nagtungha sa Ampayon Central Elementary School.
Sa kinatibuk-an, nakakuha og tag-upat ka gold medals sila Queen Fairy Rose Rante ug Arielle Ashley Lape samtang tulo usa ka gold medals ang nahakot ni Angela Mejias.
Ang laing medalyang bulawan, gikan sa mga events nga javelin throw secondary boys pinaagi kang Bobby Babano Jr. Lain pang nakakuha og gold medal ang pambato sa Team CaraGold sa arnis event – secondary girls ug lain pang kategoriya sa elementary level.
