BUTUAN CITY – Nasikop sa kasundalahon ang duha ka meymbro sa Guerrilla Front 16B sa New People’s Army koN NPA human sa panagsangka kagahapong adlawa diin na-overrun usab sa kasundalohan ang ilang kampo sa Brgy. Cag-agan, Malimono, Surigao Del Norte.
Sigon ni 1st Lt. Kent Enciso – Civil Military Operations kon CMO officer sa 30th IB, Philippine Army duna’y impormasyon nga gipaabot kanila mahitungod sa presensya sa NPA sa maong lugar.
Gipatawag matod pa sa rebeldeng grupo ang mga kandidato ug gipangayuan ug salapi alang sa ilang permit to win sa kantidad nga 5-pesos alang sa magpapiling barangay kagawad.
Nasikop sa tropa ang duha ka indibidwal nga nagpa-ilang sila Larry Vergara 48 anyos ug Felipe Daragoza 47 anyos.
Lakip sa narekover gikan sa duruha ang duha ka improvised explosive devices kon IEDs, usa ka homemade shotgun, usa ka charger sa Icom radio, usa ka combat boots ug salaping nagkantidad ug P53,000 kansa gituohang extortion money.
Samtang sa gipahigayong pursuit operation na-ilog sa mga sundaki ang kampo sa NPA diin narekober usab nila ang usa ka M16 rifle, usa ka hand grenade, unom ka landmines (IEDs), usa ka gatus ka metros nga electrical wire, 50 ka mga buhing bala sa AK47, 42 ka buhing bala sa 5.56mm M16, 10 ka bag, usa ka Yaesu Icom radio, usa ka sakong bugas, mga personal nga gamit, medical supplies ug subersibong documento.
Padayon pang gikumpirma sa kasundaluhan ang identity sa duha ka mga dinakpan. (Melody Valledor)
