BUTUAN CITY- Gipakita sa bag-ongpagtuon nga unom sa matag napulo ka Amerikano, lakip na ang daghang mga Republikano, nagtuo nga si US President Donald Trump nahimong dili na kasaligan samtang nagkatigulang.
Gikan sa 61% ka mga tinubag naghulagway kaniya isip “erratic with age.”
Gisugdan ang survey sulod sa unom ka adlaw ug natapos niadtong Lunes, usa ka adlaw sa wala pa ang iyang State of the Union address, diin gipakita nga 89% sa mga Demokratiko, 30% sa mga Republikano ug 64% sa independents nagtan-aw sa presidente nga nag-usab sa pamatasan tungod sa edad.
Gipadayag sa White House nga kini nga resulta usa ka “fake narrative” ug giinsistar nga si Trump nagpabilin nga lig-on ug aktibo.
Sa laing bahin, 79% sa mga tinubag nagtuo nga sobra na ka tigulang ang kadaghanan sa mga lider sa politika sa Washington, samtang ang rating sa pag-apruba kang Trump nagpabilin sa 40% nga halos walay kausaban sa miaging mga bulan.
