BUTUAN CITY – Mas nadugangan pa ang ihap sa mga botanteng mipabor sa kandidatura sa administrasyong Ronnievic Conde Lagnada, kung karong adlawa himuon ang eleksyon alang sa mga local positions ning siyudad sa Butuan.
Kini base na sa gipagawas nga resulta sa pre-election survey nga gihimo sa Policy and Research Center sa Father Saturnino Urios University (FSUU) ngadto sa 4,789 ka mga respondents kansa nagrepresentar sa 2-porsiento sa voting population sa matag-usa sa 86 ka mga barangay ning siyudad.
Sa pagka-kongresista ning siyudad ug sa unang distrito sa Agusan del Norte, nanguna si incumbent Vice Mayor Jose ‘Joeboy’ Aquino II nga mihakot og 48.01-porsiento nga gisundan ni Kidz Libarios nga mihakot og 15.95-porsiento ug ikatulo si Ronnie Azarcon nga mihakot og 8.56-porsiento.
Sa pagka-Mayor mihakot usab si re-electionist Mayor Ronnie Vicente Lagnada kinsa mihakot og 57.11-porsiento nga gisundan ni Norbert Pagaspas nga duna lama’y 18.56-porsiento ug ikatulo si Edward Chan nga duna’y punto-17 porsiento.
Sa pagka-besi mayor usab, nanguna si incumbent Congressman Lawrence Lemuel Fortun nga duna’y 59.30-porsiento, gisundan ni Dolly Veraque ng duna’y12.61-porsiento ug Carlos Tan nga duna’y punto-63-porsiento.
Samtang nakasulod usab sa Top 15 pagka-konsehal ang mayoriya sa mga membro sa Sangguniang Panlungsod nga gikangluban nila incumbent city councilors Omar Andaya, Cherry Mae Busa, Cromwell Nortega, ang mi-atras na nga si Glenn Carampatana, kanhi City administrator Rey Desiata, Councilors John Gil Unay, Victor Plaza, Ehrnest John Sanchez ug Vincent Rizal Rosario.
Nasagulan na dayon kini nila Eduardo Gonzales, Ramon Carampatana, Aljon Azote, Dino Sanchez ug Rene Guevarra.
Migawas sa survey nga mi-abot sa 38.63-porsiento sa mga gi-survey ang wala pa makadesisyon kung kinsa ang ilang botaran pagka-konsehal tungod sa kawala’y kasayuran o wala sila ka-ila sa mga kandidato sa maong posisyon.
Sigon sa mga respondents, ang pinakakomon nga tuburan sa ilang impormasyon kalabot sa mga social ug political issues apil na ang mga kalidad sa mga politicial parties ug sa mga kandidato mao ang social media nga mi-abot sa 47.02-porsiento, radyo nga mi-abot sa 46.23-porsiento, telebisyon nga mi-abot sa 46.21-porsiento, mga mantalaan nga mi-abot usab sa 19.11 porsiento ug tarpaulins nga mi-abot sa 16.02-porsiento.
