BUTUAN CITY – Na-aresto sa mga immigration agents sa Estados Unidos ang 39-anyos nga si Mexican boxer Julio Cesar Chavez Jr, ug planong ipa-deport siya ngadto sa Mexico kondiin aduna siya’y aktibong arrest warrant tungod sa iyang kalambigitan sa organised crime, apil na ang trafficking firearms, ammunition, ug explosives.
Halos usa ka semana adiser ang iyang pagka-aresto, napildi ang kanhi middleweight world champion ni influencer-turned-boxer Jake Paul sa ilang away sa California.
Sigon sa mga opisyal sa Estados Unidos, affiliated si Chavez Jr sa notoryus nga Mexican Sinaloa drug cartel kansa gipanghimakak sa iyang abogado.
Sigon sa Department of Homeland Security (DHS), ilawom sa administrasyon ni President Donald Trump, wala’y labaw sa balaud tungod kay bisan ang mga sikat sa tibuok kalibuan nga atleta, apil sa pangsikupon.
Nadakpan si Chavez Jr sa mga opisyal sa Immigration and Customs Enforcement kon ICE didto sa Studio City, sa Los Angeles, kaganina. Anak siya ni kanhi boxing champion Julio Cesar Chavez Sr, kinsa mao ang gi-ilang best boxer sa kasaysayan sa Mexico.
Sigon sa DHS statement, gipaspasan na karon ang proseso alang sa paspas nga pagpa-deport sa maong boksidor. Nasayrang ang Sinaloa Cartel, gikonsidera ni President Donald Trump na usa ka terrorist organisation atol sa unang adlaw sa pagbalik niya sa posisyon niadtong Enero ning tuiga.
