BUTUAN CITY – Subling gipahinumduman sa Philippine Health Insurance Corporation (PhilHealth) ang mga Pilipino nga mamahimo matud pang gamiton sa publiko ang outpatient benefits package alang sa mga mental health services, sama sa mga kondisyon nga may kalambigitan sa depression, psychosis, epilepsy, dementia, ug self-harm risks.
Subay sa PhilHealth Circular 2023-0018, mamahimong maka access sa maong serbisyo ang mga membrong nag-edad og 10 anyos pataas; lakip sa mga maavail mao ang initial assessments, follow-up consultations, diagnostic tests, ug psychosocial support.
Sumala usab ni PhilHealth acting President Edwin Mercado nga nahiuyon ang maong program package sa prayoridad ni President Ferdinand R. Marcos Jr. ilabi na sa natad sa panglawas ug mentalidad sa mga Pilipino.
Gilangkoban ang maong serbisyo sa PHP9,000 nga annual coverage alang general mental health services, ug PHP16,000 alang sa specialized care.
Mamahimo usab nga ma-avail sa mga miyembro ang mga serbisyong dunay accredited facilities, lakip na ang rural health units, level 1 ug 2 hospitals, ug ang stand-alone mental health clinics.
