BUTUAN CITY – Target sa lokal nga kagamhanan sa Aklan ug lungsod sa Malay nga mapakusgan ang medical tourism sa Boracay Island human sa gihimong groundbreaking ceremony sa Ciriaco Tirol Hospital sa isla alang sa expansion ug upgrading program niini.
Sigon ni Malay Mayor Frolibar Bautista, dako ang potensyal sa Boracay sa medical tourism tungod sa imontar nga mga bag-ong pasilidad sa maong ospital nga himuong 5-storey building. Mahimo matud pang magpa-check-up ug magpatambal ang mga langyaw ilabina sa dental care, cosmetic surgery, ug uban pa.
Gawas niini, panahon na usab matud pa nga duna’y expansion project aron duna’y igong pasilidad na makatubag sa panginahanglanon sa mga turista.
Human gi-aprubahan isip Level 1 facility ang ospital, gila-umang mas mumaayo pa ang kalidad sa healthcare services dili lang alang sa mga residente sa isla kundi aron mapakusgan usab ang reputasyon sa Boracay isip luwas ug well-equipped nga tourist destination sa Pilipinas.
