BUTUAN CITY – Dili madawat sa House of Representatives ang desisyon sa Senado isip impeachment court pagbalik sa Articles of Impeachment batuk kang Vice President Sara Duterte ngadto kanila.
Kini aron i-certify kung wala ba nila nalapas ang Konstisyon ilabina ang probisyon nga dili mahimong magduso og labaw pa sa usa ka impeachment complaint sulod sa usa ka tuig batuk sa usa ka impeachable official sama kang Vice President Sara Duterte.
Sa eksklusibong pakighinabi sa Bombo Radyo Philippines, gipadayag ni House Prosecution Panel Representative Lorenz Defensor nga kagabii pa sila nag-atang sa gihimo sa impeachment court rason nga ila nang gihisgutan ang sunod nga lakang nga ilang himuon.
Gipanghinambog pa sa opisyal ang kadaghan sa ihap nilang mga kongresista nga nagrepresenta matud pa sa ilang mga constituents ug mga partylists nga gustong ma-impeach ang besi presidente.
Dismayado si Rep Defensor sa desisyon sa Senado tungod kay dili matud pa kini maayong ehemplo ingon man klarong paglapas matud pa sa pagsalig sa katawhan.
Gipasabot niini nga ang pag-remand sa maong kaso dili opsuon tungod kay ang nasangpit nga impeachment complaint, desisyunan lang pinaagi sa pag-acquit o kaha pagkonbikto human sa pagtaral rason nga klaro matud pang pagligis kini sa atong kagawasan ug sa Konstitusyon.
