BUTUAN CITY – Gipadayag ni Palace Press Officer Claire Castro nga gipa-ilalom karon si Pangulong Ferdinand Marcos Jr sa “medical observation” human nakasinati og dili maayo sa iyang panglawas.
Nasayrang gikatakda untang mutambong ang pangulo sa Outstanding Young Men 2025 Awarding Ceremony, apan wala na kini makatunga rason nga gihulip kaniya sa maong kalihukan si Executive Secretary Ralph Recto.
Gipadayag ni Castrol sa usa ka press briefing nga kagabii pa gipa-ilalom sa medical observation ang pangulo isip recautionary measure kondiin gitambagan siya sa iyang mga doktor nga mupahulay una alang sa monitoring, ug sa pagkakaron, stable na ang iyang kondisyon.
Dugang pa ni Castro, padayong gihimo sa pangulo ang iyang mga responsibilidad samtang gipa-ilalom sa medical observation ug nakabalik na sa Malacañang, apan wala na gipadayag pa sa malasyo kung unsa ang hinungdan sa gibating discomfort sa pangulo dayong paniguro ngadto sa publiko nga kaya ra sa pangulo ang pagtrabaho kondiin duha ka mga private meetings ang gikatakdang iyang tambungan karong adlawa.
Madumdumang tulo ka higayong nataptan og COVID-19 ang pangulo.
