BUTUAN CITY – Gikumpirma sa Office of Civil Defense kon OCD-Region XI nga na-ilhan na ang upat ka patay’ng lawas sa pipila ka mga pasaherong narekober gikan sa na-unlod nga recreational motorbanca nga MBCA Amejara.
Sigon ni Ednar Dayanghirang, Regional Director sa OCD-Region XI, upat na ka patay’ng lawas ang na-ilhan na pinaagi sa forensic ug DNA analysis nga gihimo sa Davao City, apan wala pa’y gipagawas nga opisyal nga listahan ang maong buhatan.
As of alas-7:00 kaganinang buntag, Enero 27, usa pa lang gihapon ang kumpirmadong survivor samtang siyam na lang ang nagpabiling missing.
Usa sa mga biktima ang gi-ila na publicly nga si Hector Emberga pinaagi sa social media post sa iyang anak nga si John Galt Siao Emberga.
Nagpadayon gihapon karong adlawa ang search, retrieval, ug identification operations sa mga otoridad dayong awhag sa publiko nga maghulat og mga official updates aron malikayan ang mga dili berepikadong impormasyon.
