BUTUAN CITY – Mipasaka og bag-ong mga reklamong kriminal ug administratibo ang kampo sa pamilya Duterte batok sa mga tag-as nga opisyal sa Marcos administration ug kapulisan ngadto sa Office of the Ombudsman ning adawa, Lunes, Septembre 15.
May kalabutan kini sa pag-aresto sa iyang amahan nga si kanhi Pangulong Rodrigo Duterte sa Ninoy Aquino International Airport (NAIA) niadtong Marso 11 ning tuiga.
Sa 160 ka palid nga affidavit complaint, gi-akusahan ni Davao City acting Mayor Baste Duterte sila Justice Secretary Jesus Crispin Remulla, Department of Interior and Local Government kon DILG Secretary Jonvic Remulla, Defense Secretary Gilbert Teodoro, National Security Adviser Eduardo Año ug uban pang opisyal nga gilambigit sa kaso nga kidnapping, arbitrary detention, grave misconduct ug ubang paglapas sa balaod.
Apil usab sa gireklamo sila kanhi PNP Chief Gen. Rommel Francisco Marbil, kanhi CIDG Director Maj. Gen. Nicolas Torre III, Prosecutor General Richard Anthony Fadullon, DOJ Undersecretary Nicholas Felix Ty, ug ubang mga pulis ug opisyal sa hudikatura.
Nasulat sa reklamo nga sa pag-abot sa kanhi presidente gikan sa Hong Kong uban ang iyang pamilya ug si kanhi Executive Secretary Salvador Medialdea, gipugos kini pagdala sa Villamor Air Base, hugot nga gibantayan sulod sa pipila ka oras, ug gilupad paingon sa The Hague, Netherlands nga wala’y due process.
Kini taliwa nga wala kini hatagau og access sa medical treatment bisan pa sa iyang seryosong kondisyon nga diabetes.
