BUTUAN CITY – Nagpagawas na og official statement ang mayor sa lungsod sa San Luis, Agusan del Sur human gi-ulan og mga tawag dihang nakita sa flight manifesto nga usa siya sa mga pasaherong kasakay pagpa-uli dinhi sa siyudad sa Butuan sa unang COVID-19 case sa Caraga Region.
Sa iyang Facebook post, gipasabot ni lady Mayor Phoebe Corvera nga sukad pa kagahapon nakadawat na siya og mga tawag kalabot sa flight niya niadtong Marso 12 adayong angkon nga usa siya sa mga pasahero sa maong flight uban sila Agusan del Sur First District Cong. Alfel Bascug ug Prosperidad, Agusan del Sur Mayor Frederick Mark Mellana uban sa lain pang 13 ka mga mayor sa maong lalawigan.
Apan gipahibalo na matud pa nila kini ngadto sa regional director sa DOH-Caraga rason nga nag-self quarantine na sila sulod sa 14 kia mga adlaw hangtud nga na-cleared na silang tanan sa ilang tagsa-tagsa ka mga municipal health officers kon MHOs ug mga doctors.
Dugang pa sa mayor kinsa usa usab ka doktor, nga asymptomatic siya hangatud karon apan kung magdesisyun matud pa ang DOH anga subli silang mupa-ilalom sa COVID-19 testing sa tanang mga pasahero sa maong light, andam siya alang niini.
Isip pruweba matud pa, iyang gi-repost ang iyang message ngadto sa iyang mga constituents niadtong Marso 19, 2020 kondiin iyang gibutyag nga mipa-ilalom siya sa voluntary self-quarantine dayong klaro nga wala’y angayang kabalak-an sa iyang panglawas apil na sa iyang pamilya.
