BUTUAN CITY – Personal nga muatubang si Mayor Robert Jimmy Luna Jr, sa Lingig, Surigao Del Sur kang Pangulong Rodrigo Duterte human nalakip ang iyang pangalan sa gipagawas nga narco list sa nakalabay nga gabii.
Sa eksklusibong pakighinabi ning sibyahan kang Mayor Luna, gipahayag niining andam siya bisan unsang orasa sap ag-atubang kang Pangulong Rodrigo Duterte aron limpiyuhon ang iyang pangalan.
Sigon pa sa Mayor wala siya’y angayang ikahadlok o ikabalaka tungod kay wala man siya nalambigit sa bisan unsang transaksiyon sa illegal nga drugas.
Hinoon, na-anad na siya nga kada umaabot nga piniliay, gamiton ang illegal nga drogas aron siya daoton sa iyang mga kalaban sa pulitika.
Apan lahi matud pa ang kasamtangang pagkalambigit sa iyang ngalan tungod kay mismo si Pangulong Rodrigo Duterte ang nagbasa niini rason nga personal siyang muadtu sa Pangulo aron ipadayag ang tinood nga nahitabo ug malimpiyuhan ang iyang pangalan.
Wala usab matud pa siya’y angayang ikasuko ilabina kay nakita niini ang adbokasiya sa presidente dungan sa pagbutyag nga andam siyang mosunod sa mandato ni Pangulong Rodrigo Duterte
Samtang giklaro usab ni Mayor Luna nga gideklara na nga drug free municipality ang iyang lungsod samtang nadeklara usab nga gawasnon sa illegal nga drugas ang tibook probinsiya sa Surigao Del Norte rason nga layo sa sa kamatooran ang maong alegasyon ilabina kay ang lungsod sa Lingig ang nakatala og pinaka-ubos sa gumagamit sa ginadiling drogas.
