BUTUAN CITY – Balik-trabaho na ning adlawa si Mayor Shem Garay sa lungsod sa Hinatuan, Surigao del Sur human ang pag-leave of absence.
Sa iyang gipagawas nga sulat-pamahayag, alang sa kaayuhan sa publiko, nagdesisyon kining mupa-ilalom sa preventive isolation o self-quarantine taliwa nga nagnegatibo siya sa swab test human na-expose ngadto sa iyang amahang si Bislig City Mayor Florencio Garay kinsa nagpositibo sa swab test apan na-discharge na gikan sa Davao City.
Gipaniguro sa mayor nga magpadayon ang ilang inadlaw-adlaw nga trabaho sa municipal hall pinaagi sa work from home scheme.
Alayon niini, gitambagan kadtong nanginahanglan og direkstang pagtagad sa mayor nga mag-message lang sa iyang cell phone dayong awhag sa tanan nga magpabiling luwas sa kanunay.
