BUTUAN CITY – Hingpit nang naduso kagahapn ang petition for recall batuk sa mayor sa Cabadbaran City, sakop sa Agusan Del Norte, ngadto sa Commission on Electins kon COMELEC.
Nahimong alegre pa ang maong lakang anga gihimo sa compound sa Cabadbaran City Hall, human nagtapok ang mga supporters ni Agusan Del Norte Governor Maria Angelica Rosedell Amante Matba ug Judy Amante ang naabuwag nga asawa ni Agusan del Norte 2nd Distrcti Rep. Congressman Erlpe John Amante ug duna pa’y nagtugtog nga banda.
Base sa impormasyong nakuha sa Bombo Radyo, na-abot matud pa sa kampo sa petitioner ang pagtugot sa 20 porsiento sa kinatibuk-ang botante sa maong siyudad, kansa maoy gikinahanglan aron makaduso ug petition for recall.
Sa pakighinabi ning sibyahan kang Gobernadora Matba kinsa personal nga mi-apil sa pagduso sa maong petition, gibutyag niini ang nag-unang basehan sa ilang gihimung lakang mao ang napapas na matud pa nga pagsalig sa katawhan sa Cabadbaran City ngadto kang Mayor Katrina Marie Mortola.
Gitawag pa niini nga peke ang paglingkod isip mayor ni Mortola tungod kay diktaran raman gihapon kini ni Congressman Erlpe Amante diha sa pagdumala sa siyudad. Wala matud pay rason nga magpabilin si Mayor Mortola sa maong posisyon dungan sa pagtawag niini nga usa ka shadow mayor.
Gipanawagan nalang niini ang tanang katawhan sa Cabadbaran City nga maghi-usa ug dili na magpa-ilad pa sa ikaduhang tsansa sa pagpili ug mayor sa dakbayan.
Apan ang maong lakang gipalagan ni Provincial Board Member Loreto Maragañas kinsa na-init na nga namati ilabina nga sila nga mga SP members nga taga-Cabadbaran, naningkamot pagtambong sa sesyon kagahapong adlawa sa provincial capitol, apan ang iyang mga kaubanan nga dili botante sa dakbayan, nag-apil-apil na hinoon sa maong kalihukan.
Gibatikos usab ni Maragañas ang gidusong petition for recall atungod kay mamahimo matud pang hulaton na lang sa mga hingtungdan ang sunod nga election. (Rolan Janea)
