BUTUAN CITY – Gikatakdang mopasaka og kasong kriminal batok kang Bamban, Tarlac Mayor Alice Guo ang Presidential Anti-Organized Crime Commission (PAOCC) sa sunod nga mga adlaw.
Kini human nakaplagan sa ahensya ang ebidensya sa kalambigitan sa mayor sa ilegal nga operasyon sa Philippine Offshore Gaming Operators (POGO) sa iyang hurisdiksyon.
Kalabot niini, gikataho usab sa Philippine Offshore Gaming Operators (POGO) nga magtagbo ang inter-agency body sunod semana aron hukman ang mga kaso nga ipasaka batok sa mayor kansang nasyonalidad ug pagkatawo kasamtangang giimbestigahan tungod sa mga loopholes niini nga makita sa iyang mga dokumento. Laumang ipasaka ang maong kaso sa Department of Justice karong Hunyo 21 ning tuiga.
Sigon usab sa opisyal sa Presidential Anti-Organized Crime Commission (PAOCC), daghang mga dokumento nga adunay ngalan ug pirma ni Mayor Guo ang nakit-an atol sa ilang imbestigasyon.
Kahibaloan ng aang Presidential Anti-Organized Crime Commission (PAOCC) maoy responsable sa pagsuhid sa Philippine Offshore Gaming Operators (POGO) compound nga gitukod sa propyedad nga kanhi gipanag-iyahan ni Guo.
Sa raid sa PAOCC ug sa imbestigasyon sa Senado, nasayran nga nakignegosyo kaniadto si Mayor Guo sa mga Chinese firms nga nalambigit sa Philippine Offshore Gaming Operators (POGO) operations sa Bamban nga padayong nag-operate bisan walay katugbang nga permit sa gobyerno.
