BUTUAN CITY – Nagsubmite si Bamban Mayor Alice Guo og clarification letter ngadto sa palasyo ng Malakanyang nga gi-address kang Executive Secretary Lucas Bersamin, ang Chairperson sa PAOCC aron hatagan siya og patas nga imbestigasyon.
May kalabutan kini sa iyang pagklaro nga wala matud pa’y kamatu-uran ang mga pasangil kaniya nga nalambigit sa money laundering, human trafficking, kidnapping ug uba pang krimen subay sa operasyon matud pa sa Baofu Land Development Inc. ug sa POGO operations sa Bamban.
Gihangyo sa kampo ni Mayor Guo sa PAOCC nga muhimo og makuti ug patas nga imbestigasyon aron mapamatud-an nga wala siya’y kalabutan sa tanang akusasyong gibato ngadto kaniya.
Andam matud pa siyang makig-alayon sa bisan unsa mang proseso sa imbestigasyon ug muhatag sa mga gikinahanglang dokumento o testimonya aron limpyuhan ang iyang pangalan.
Isip mayor sa ilang lungsod, dili matud pa otomatiko nga nalambigit na siya sa bisan unsa mang mga iligal nga kalihukan.
