BUTUAN CITY – Sugdan na karong Mayo 7 ang Conclave kon ang panagtapok sa mga Cardinal sa Simbahang Katoliko isip kabahin sa pagpili og bag-ong Santo Papa.
Kini ang gikumperma sa Vatican ning hapon, oras sa Pilipinas, human na tumod sa katapusang pahulayanan ang ning taliwan nga Santo Papa ning nakalabayng semana.
Nakab-ot ang desisyon sa nasangpit nga adlaw atul eksklusibong panagpulong sa mga Cardinals kagahapong adlawa, pinaka unang panagtapok sa maong mga Pari human na lubong ang si Pope Francis niadtung Sabado.
Kahibaloang anaa sa 135 ka mga Cardinals ang mamahimong makabotar karon nga Piniliay alang sa mosunod unya nga lider sa Simbahang Katoliko nga dunay 1.4 bilyones ka mga sumosunod sa tibook kalibutan.
Sayrang gisirad-an na usab kagahapong adlawa ang Sestine Chapel arun maandam na kini sa umalabot nga conclave. Himoon ang maong eleksyon sa bag-ong Santo Papa inubanan sa karaang mga ritwal ingon man sa modernong mga anti-spying technologies.
Subay sa kasaysayan, ning lungtad lamang og tag-duha ka mga adlaw ang nakalabayng duha ka mga Conclave niadtung 2005 ug 2013, apan sumala sa Cardinal sa Sweden nga si Anders Arborelius nga mamahimong malangan ang piniliay karong Mayo 7 tungod kay duna may mga bag-ong cardinals nga kalabot sa nasnagpit nga kalihukan nga wala pa mailhi sa uban pang mga cardinals.
Kini human adiser namatay ang Santo Papa, nag appoint pa kini og mga Cardinals sa nagkalainlaing nasod nga sukad wala pa makabaton sa gitawag nga “Prinsipe sa Simbahang Katolika” sama sa mga nasod sa Myanmar, Haiti, ingon man Sweden.
