BUTUAN CITY – Daghan sa mga tawo ang nagtuo nga wala’y dautang epekto ang masturbation ilabina sa mga lalaki apan migawas sa pagtuon nga makapa-ubos kini sa self-esteem og posible matud pang mahimong hinungdan sa depression.
Gani, duna pa’y uban nga mag-guilty human niini tungod sa pagtuong dautan ang pag-masturbate.
Base sa mga pagtuon, duna’y kalabutan niini ang dopamine – usa ka chemical nga mutabang aron mabati ang emosyon.
Kini matud pa ang hinungdan nga malipay kita kung makadawat og reward.
Ang ubos nga dopamine gilambigit ngadto sa social anxiety, ubos nga self esteem, paglina-og, depression, motor control problems, ug uban pang bad moods.
Kini usab ang hinungdan nga dili angayang mu-ubos ang dopamine level sa usa ka tawo. Ang mga tawong ubos ang dopamine level dili delikado kaysa mga tawong malipayon, apil na niadtong dili kontento sa kinabuhi ug puwedeng makabaton og social anxiety ug depression kumpara sa uban.
Tungod niini, kung na-adik sa porn ang usa ka tawo nga musangpot sap ag-masturbate, gipataas niini og maayo ang dopamine sa gamay lang nga oras rason nga mu-ubos ang response sa utok sa normal level sa dopamine nga natural nga ipagawas sa lawas.
Ang mga adik sa porn nadiskubrehang kanunay nga ubos ang dopamine levels.
