BUTUAN CITY – Gihingusgan karon sa mga magbabalaud ug sa mga public health experts ang dinali-ang pagpapasar sa mga lakang nga nagkinahanglan og mga warning labels ug mag-restrict sa marketing sa dili healthy nga mga pagkaon alang sa kabataan taliwa sa mga projections nga padayong musaka ang kaso sa obesity diha sa kataang Pinoy.
Atol sa joint hearing sa House of Representatives Committee on Health and Committee on the Welfare of Children, nagbahad ang mga eksperto nga pag-abot sa tuig 2030, usa sa matag-tulo ka ga batang Pinoy ang mahimong overweight o kaha obese kung wala’y ipatumang mga preventive measures.
Nakatutok ang pagdungog sa proposed Healthy Food Environment Bill, nga nagtinguna pag-aksyon sa obesity ug ubang mga non-communicable diseases (NCDs) pinaagi sa pag- require sa mga front-of-pack warning labels diha sa mga food products nga taas sa fats, sugar, ug sodium.
Tinguha usab niini nga i-restrict ang marketing sa mga unhealthy food ug ilimnon nga nag-target sa mga bata apil na ang mga advertisements nga migamit og mga cartoons, mascots, mga dula, premyos ug uban pang mga promotional tactics.
Tumong niini nga matabangan ang mga pamilya nga mapahibalo sa mga pagkaong angayan nilang pilion alang sa ilang mga anak ug makunhuran ang exposure sa mga bata ngadto sa advertisements nga nag-promote og mga healthy products.
