BUTUAN CITY – Gipasalamatan ni Mary Jane Veloso sila Pangulong Ferdinand Marcos Jr ug Indonesian President Prabowo Subianto ug ang tanang mitabang aron makabalik siya sa Pilipinas human ang 14 ka tuig nga pagkapriso sa Indonesia.
Kagabii, mi-abot si Veloso sa Soekarno-Hatta International Airport ug naka-abot na kini sa nasud adiser ang alas-sais ning buntaga.
Kauban niining misakay sa eroplano ang pipila ka mga opisyal sa Department of Foreign Affairs (DFA) sa pagpanguna ni Undersecretary Eduardo de Vega. Gusto una niyang musimba ad-ser mudiretso sa Correctional Institution for Women sa Mandaluyong City alang sa lima ka adlaw nga quarantine.
Gikalipay usab sa mga senador ang pagpauli na ni Maryjane Veloso. Sigon ni Senadora Imee Marcos, hilabihan ang iyang pasalamat sa gobyerno sa Indonesia nga mitugot sa pagpa-uli kang Veloso sa nasud.
Mahinumdumang nag-atubang sa silot kamatayon ang 39-anyos nga si Veloso human nakuhaan og 2.6 kilos nga heroin sa Indonesia niadtong 2010. Tuig 2015 dihang temporaryong gikansela kaniadto ni Indonesian President Joko Widodo ang iyang nakatakdang pagbitay. Niadtong nakalabay nga buwan sa Nobyembre nakabaton og kasabutan ang Pilipinas ug Jakarta nga ibalhin sa nasud si Veloso.
