BUTUAN CITY – Gikumpirma sa Department of Foreign Affairs kon DFA nga makauli na sa nasud si Mary Jane Veloso ugmang adlawa, Disyembre 18.
Sigon ni DFA Undersecreteray Tess Lazaro, pasado alas-6:00 sa buntag ugma, maka-abot na sa nasud si Veloso.
Una nang gibulgar sa iyang inahan nga si Celia Veloso nga nangandam na ang iyang pamilya sa pagbalik sa iyang anak human ang kapin usa ka dekada nga pagka-priso sa Indonesia.
Sumala niini, bisan og wala nahinayon ang pagbisita unta nila ngadto sa Indonesia tungod sa pagkansela niini, mas malipayon og mapasalamaton gihapon sila tungod kay makauli na sa Pilipinas ang iyang anak.
Sa karun nagpaabot pa gihapon ang pamilyang Veloso sa paghatag og clemency ngadto kang Mary Jane aron hingpit na kining ma-absuwelto sa kasong drug trafficking.
Mahinumdumang naaresto ang 39-anyos nga siVeloso tungod sa pagbibit og 2.6 kilos nga heroin didto sa Indonesia niadtong tuig 2010.
