BUTUAN CITY – Gipirmahan na kagahapong adlawa sa Indonesia ug Pilipinas ang kasabutan nga maghatud pabalik sa nasud ni Mary Jane Veloso, ang Pinay nga nahukmang bitayon tungod sa ilegal nga drogas sa Indonesia sukad niadtong 2015.
Nahitabo ang pinirmahay sa Jakarta pinaagi nila Justice Undersecretary Raul Vasquez sa Pilipinas ug senior law and human rights minister Yusril Ihza Mahendra sa Indonesia.
Human sa pinirmahay, makighisgot ang mga otoridad sa Indonesia ngadto sa opisyal usab sa embahada sa Pilipinas alang sa dugang detalye sa pagpauli kang Veloso nga laumang mahitabo adiser ang Disyembre 25, ang mismon adlaw sa Pasko.
Sumala ni senior law and human rights minister Yusril Ihza Mahendra, isalig na nila sa gobyerno sa Pilipinas ang paghatag og seguridad kang Veloso diin respetuhon niini ang bisan unsa mang disesyon nga himoon sa Philippine government sa kaso ni Veloso.
Samtang giklaro usab ni Justice Undersecretary Raul Vasquez nga walay gitakda nga kondisyon ang Indonesian government sa pagdeteni kang Veloso higayong mabalhin na kini dinhi sa Pilipinas.
Gibutyag usab niini nga girespeto sa gobyerno sa Pilipinas ang sentensiya nga gipahamtang sa Indonesian court og depende na unya ni Pangulong Marcos Jr kung hatagan ba niya kini og clemency.
