BUTUAN CITY – Martial law na ang nakita sa usa ka political analyst sa sitwasyon karaon sa Davao City, kini alayon na sa pagpugos sa mga kapulisan og sulod sa Kingdom of Jesus Christ compound kansa nagsugod niadtu pang sabado sa kadlawon.
Sigon ni Atty. James Reserba nga dili matud pa makiangayon ang gihimo sa mga kapulisan sa pagpadala og anaa sa kapin 2-mil ka mga pulis alang lang sa lima ka mga servan niini og arrest warrant, ilabi na nga ang Pilipinas, usa ka demokrasya nga nasod.
Sumala niini nga dili matud pa mamahimong gamitan si Quiboloy sa nasangpit nga pwersa ilabi na nga walay makitang clear and present danger niini, dugang sa nasangpit nga abogado nga taliwala pa man sa mga gikatahong duna matud pay mga armas ug mga private armies ang maong indibidwal, wala paman kini mapamatud-i pinaagi sa lig-on nga ebidensya.
Dugang niini nga dili gani mamahimong mo interrupt ang si kinsa man kun dunay mag wali sa usa ka simbahan tungod kay sa balaod sa Pilipinas, lahi man ang estadu ug ang relihiyon.
Gani, sumala pa sa maong abogado nga halos tanan matud pang mga kaso sa Pilipinas nga may kalambigitan sa Relihiyon, nagpasulabi gayud ang religious freedom.
Ang pamahayag ni Atty. James Reserba.
