BUTUAN CITY – Nahipatik na sa kasaysayan sa Pilipinas ang Marso 11, 2025 ang dakong trahedya human gitugyan sa kagamhanan sa nasud ngadto sa International Criminal Court kon ICC si kanhi Pangulong Rodrigo Duterte.
Sigon ni political analyst Atty. James Reserva, duna may warrant of arrest o wala ang pagdakop sa kanhi pangulo, apan ang pagtugyan mismo kaniya ngadto sa ICC maoy nagpahimong kataw-anan sa imahe sa nasud diha sa international community.
Ang gihimo matud pa ni Pangulong Ferdinand ‘Bongbong’ Marcos Jr., susama usab sa gihimo kaniadto sa diktador sa Democratic Republic of Congo nga si Prime Minister Joseph Kabila kansa mitugyan usab sa iyang ka-atbang sa pulitika ngadto sa ICC.
Ang gihimo matud pa sa gobyerno sa Pilipinas, dakong insulto sa judicial system sa nasud ilabina kanilang mga abogado.
Sakit matud pang paminawon ang pamahayag kagahapon ni Justice Sec. Jesus Crispin Remulla nga ila na lang gitugyan sa ICC ang kanhi pangulo bisan og wala kini kaso dinhi sa nasud aron atubangon niini ang kaso didto sa international court.
Kini inay nga ipakita unta ngadto sa international community nga lig-on ang atong judicial system.
Ang tipik sa pagpasabot ni political analyst Atty. James Reserva.
