BUTUAN CITY – Nagpadayon karun ang gihimong Markmanship training sa rehiyunal nga lebel sa Police Regional Office kon PRO-13. Nasayrang gisugdan ang maong training niadtong lunes pinaagi sa dry fire exercises.
Sumala pa ni Police Major Jennifer Ometer, tigpamaba sa buhatan, nga si Police Brigadier General Alan Nazarro, regional director sa PRO-13 ang mismong nanguna sa markmanship training diin siya ang nagsilbing lecturer og nagtudlo usab sa saktong paghawid sa armas.
Tinguha sa regional director nga mahanas ang tanang kapulisan sa paghawid sa armas nga gikonsidera nang partner nila sa ilang kinabuhi.
Sumala pa ni Ometer nga mulungtad ug usa ka bulan ang maong training diin muabot sa usa ka oras kada adlaw.
Gipadali usab sa karun ang pagpadala sa kopya sa lecture ngadto sa nagkasaiyang police units sa tibook rehiyon aron makasugod na usab sila sa ilang markmanship training.
