BUTUAN CITY – Klase kalseng reaksyon gikan sa mga netizens ang nadawat ni Meta Owner ug CEO Mark Zuckerberg sa gipaambit niini nga litrato sa estatwa sa asawa niini nga si Priscilla Chan kansa anaa sa 7 ka tiil ang gitas-on kon 2.1 metros.
Sumala sa Caption ni Mark sa post niini sa Instagram nga gipahimo niya ang maong estatwa isip pagsunod sa kanhing tradisyon sa Roman Empire diin himoan og estatwa ang ilang asawa isip pag-ila niini.
Makita sa maong post ang nasangpit nga estatwa nga anaa dool sa kahoy sa daw usa ka residential garden. Makit nga ang moang estatwa kay ang-gid sa asawa ni Mark, diin kolor light blue kini ug dunay suot silver nga tela nga daw gilupad sa hangin.
Makita usab ang asawa ni Mark sa kilid sa maong estatwa nga nag higop sa mug nga kapareha og kolor sa estatwa. Gama ang maong artwork ni Daniel Arsham, usa sa pinakamaayo nga artist sa New York.
Nagkalainlain usab ang komento sa mga netizens sa maong post ni Mark, diin ang uban, gisungog pa ang CEO nga sobra matud pa ka “wife guy”, duna usay nagtandi sa maong artwork sa mga avatar figure, kansang kolor kay blue.
