BUTUAN CITY – Mapasigarbuhon sa iyang post si Atty. Raymond Fortun, ang abogado nga nagpaluyo kang Angelica Yulo aron mahi-uli na ang maayo nilang kabubut-on sa anak niining si 2-time Paris Olympic gold medalist Carlos Yulo, human naka-uban sa bonding nilang mga abogado, ang amahan sa Pinoy gymnast nga si Mark Andrew Yulo.
Kini pila ka adlaw human nag-trending ang daw ordinaryong fan lang nga si Mark atol sa heroes’ welcome parade nga gihatag sa mga Olympians kondiin nga nakitang anaa uban sa bagang duot sa nag-atang sa parada sa iyang anak, si Mark.
Sa iyang social media post, gipangutana ni Atty. Fortun si Mark nga isip usa ka amahan, unsa ang special niining nahimo sa iyang mga anak diha sa sports nga mi-excel kansa gitubag lang amahan nga wala kaayo’y extraordinary gawas sa daghang mga pag-ampo.
Una na usab matud pang nasulti sa amahan nga ‘Mabait namang bata yang si Caloy’.
Nasayrang nanggawas karon sa social media ang gika-ingong ‘post’ matud pa ni Atty. Fortun nga sukad niadtong welcome parade diin nakita ni Caloy ang iyang amahan nga grabeng lukso-lukso dihang milabay siya sa dapit nga ilang gihulatan, wala matud pa gihapon mi-contact kanila si Caloy ug wala gitubag ang ilang mga tawag dihang nag-post kini og pasalamat sa iyang amahan human sa parada nga gipakapinan pa og ‘kitakits’.
