BUTUAN CITY – Gibatikos ni kanhi Presidential Spokesperson Atty. Harry Roque ang usa ka adlaw lamang nga pagpamaligya og tag-20 pesos matag kilo nga bugas sa Cebu ning nakalabayng adlaw.
Sumala ni Roque, kinahanglan matud pang matudloan og leksyon ang partido ni Pangulong Ferdinand Bongbong Marcos Jr. tungod kay nagtoo man kini nga illegal ang nasangpit nga lakang, diin gitawag pa niya kini nga vote buying.
Sumala ni Roque, bisan og usa lamang matud pa kini ka adlaw, pagpamalit gihapon matud pa kini sa boto sa katawhan rason nga mahimo matud pang ma-disqualify ang mga ka-alyado ni Marcos tungod lamang sa usa ka adlaw niining pagpamaligya og baratong bugas.
Dugang ni Roque, a dili matud pa makasustiner ang nasangpit nga presyo sa bugas tungod kay subsidiya lamang kini sa kagamhanan, ug dili na igo ang pondo sa gobyerno arun makapadayon niini.
