BUTUAN CITY – Mas mi-init karon ang word war tali nila Vice President Sara Duterte ug sa administrasyon ni Pangulong Ferdinand Marcos Jr., human gipadayag ni VP Sara nga dili na muhunong ang administrasyon sa mga pag-atake batuk kaniya ug sa iyang pamilya hangtud nga dili siya mabilanggo o kaha mamatay.
Gipadayag kini sa besi presidente pila ka adlaw human gikasuhan og physical injuries ug grave threats ang iyang igsoong si Davao City Rep. Paolo Duterte kalabot sa pagpanakit matud pa niini sa usa ka negosyante sa bar sa Davao City niadtong Pebrero kansa n akuhaan pa og CCTV footage.
Sigon ni VP Sara, kini ang lakang sa mga desperadong tawo nga pukanon siya dayong butyag nga wala’y kalabutan ang lokal nga pulitika sa Davao City sa reklamo batuk kang Rep. Paolo Duterte tungod kay ang Philippine National Police ug ang Criminal Investigation and Detection Group (CIDG) matud pa ang nagpaluyo mismo sa maong kaso.
Gipadayag usab niining wala siya mabalaka sa sunod-sunod nga isyung gibato sa iyang pamilya gikan sa pag-aresto sa iyang amahan, ang nag-ong ong niyang impeachment trial sa Hulyo ug ang pagbansag kaniyang gipaluyuhan sa China.
Gibirahan usab niini ang mga mga opisyal sa administrasyon nga wala’y laing gihimo kondili ang pagguba sa iyang pangalan.
