BUTUAN CITY- Gidawat ni Senador Rodante Marcoleta ang tanyag sa Philippine Bar Association (PBA) nga mag-host sa debate tali niini ug ni retired Supreme Court Senior Associate Justice Antonio Carpio kalabot sa hisgutanang West Philippine Sea (WPS).
Una na nga gidwat ni Carpio ang tanyag sa organisasyon, apan gusto sa retiradong mahistrado nga mahimong hilisgutan sa debate kung legal ba ang WPS ug kung kabahin ba niini ang KIG.
Sa kampo ni Sen. Marcoleta, giyag-yag niini ang 3-point key: una, ang katungdanan sa National Mapping and Resource Information Authority (NAMRIA) ug DFA nga suta-on ug isumite ang utlanan sa Philippine EEZ isip pagpatuman sa arbitral award; ika-duha, ang pagtino sa mga mapa kalabot sa KIG; ug ika-tulo, ang obligasyon sa estado ubos sa UNCLOS nga magsumite og charts ug abiso.
Nagtuo ang senador nga igo ang mga niini alang sa usa ka makahuloganon nga debate.
