BUTUAN CITY – Naglusad karun og manhunt operation ang kapulisan batuk sa suspetsado nga manukutay sa utang nga mipusil ngadto sa iyang kliyente kagahapon sa alas 5:00 sa hapon sa may San Nicolas Street corner Sarvida Street, Brgy. Washington, Surigao City.
Giila ni Police Executive Master Seargent Jeanil Saraus, Freedom of Information Incharge sa Surigao City Police Station ang suspek nga si Eric Oinal Lauron, alyas Ricoy, legal ang pangedaron, menyu, empleyado sa usa ka Lending Incorporated og resident sa Barangay Bonifacio, Surigao City. Samtang ang biktima nailang si Alvin Canibel Timtim, 32-anyos, menyu, fruit vendor og residente sa Purok 8, Cayutan, Cagniog, Surigao City nga anaa na sa luwas nga kahimtang.
Base sa imbestigasyon, gisukot sa suspek ang biktima sa iyang inadlaw nga balayrunon.
Nangayu matud pa ang biktima og listahan sa iyang utang og sa gibayad niini butang nga gipalagan sa suspek nga kalit lang mibunot sa iyang dalang pistola og gipusil ang biktima sa usa ka higayon nga miigo sa iyang tuong hawak.
Daling misibat ang suspek samtang ang biktima gidala sa ospital. Narekober usab sa lugar nga nahitaboan ang usa ka basyo sa balay sa punto 45 nga pistola. Nasuta sa kapulisan nga ang suspetsado dunay pending nga kasong attempted homicide nga nakasang-at sa Bacuag, Surigao Del Norte niadto pang Pebrero 11, 2021.
Sa karun gi-andam na usab ang kasong ipasaka batuk sa suspetsado.
